எதிர்காலம் பற்றிய கனவு நம்மில் அனைவருக்கும் இருக்கும். எதிர்கால உலகம் எப்படி இருக்கும் என்றும் அங்கு என்னவெல்லாம் கிடைக்கும் என்பது பற்றியும் நம்மில் பலருக்கு பல விதமாக கற்பனைகள் உள்ளன. அதிலும் எதிர்காலம் பற்றி பல ஹாலிவுட் திரைப்படங்களை பார்த்தால் உண்மையில் இது எல்லாம் சாத்தியமா? என்ற கேள்வி நமக்கெல்லாம் எழும். இந்த வரிசையில் கார்கள் பற்றிய எதிர்கால கனவு பலருக்கு உள்ளது.

அப்படி அந்த கனவை நேரில் காட்டுவதுபோல அமெரிக்காவை சேர்ந்த Aptera Motors நிறுவனம் சூரிய ஒளியால் இயங்கும் எலக்ட்ரிக் காரை உருவாக்கியுள்ளது. இந்த மூன்று சக்கர கார் இந்த ஆண்டு இறுதியில் முழு உற்பத்தி நிலைக்கு வரும்.

இந்த காரில் மூன்று வீல்களுக்கும் மூன்று தனிப்பட்ட மோட்டார் வழங்கப்பட்டுள்ளது. இதனுடன் டெஸ்லா சார்ஜிங் போர்ட் (NACS) வசதி இடம்பெற்றுள்ளது. இதன் Drag Coefficient வெறும் 0.13 ஆகும். இதற்கு முக்கிய காரணம் இதில் இருக்கும் சிறந்த ஏரோ டிசைன், எடை குறைவான மற்றும் தரம் வாய்ந்த பொருட்கள் ஆகும். இதன் காரணமாக திறன் என்பது சிறப்பாகவே உள்ளது.

காரின் டிசைன் என்பது சிறப்பாக இருப்பதால் தற்போது இருக்கும் எலக்ட்ரிக் மற்றும் ஹைபிரிட் கார்களுக்கு தேவைப்படும் எரிசக்தியை விட கால் பங்கு சக்தி இருந்தால் போதுமானது. இந்த காரில் ஒரு 700Watt Energy Generation technology உள்ளது. இதை நாம் சார்ஜிங் செய்யாமல் வெயிலில் நிறுத்தினாலே நமக்கு ஒரு நாளைக்கு 46 கிலோமீட்டர் ரேஞ்சு கிடைக்கும்.

சூரிய வெளிச்சம் குறைவாக இருக்கும் இடத்தில் வருடம் மொத்தமாக மூன்று முறை சார்ஜிங் செய்தால் போதுமானது. இதை நாம் ஸ்டாண்டர்ட் பவர் சார்ஜ்ர் மூலமாகவே சார்ஜிங் செய்யலாம். இந்த எலக்ட்ரிக் கார் 100 கிலோமீட்டர் வேகத்தை 4 நொடிகளில் அடைந்துவிடும். இதன் அதிகபட்ச வேகம் 162.5KMPH ஆகும். இதில் 920 லிட்டர் பூட் அளவு உள்ளது.

இந்த காரை 2023 ஆண்டு இறுதிக்குள் ஆராய்ச்சிகள் முடிந்து உற்பத்திக்கு அனுப்புவதே தற்போதைய இலக்கு என்றும் இந்த காரின் டெலிவரி என்பது இதன் உற்பத்தியை சார்ந்தே இருக்கும் என்றும் அந்த நிறுவனம் தெரிவித்துள்ளது. இப்படி ஒரு எதிர்கால கார் நிச்சயம் தற்போதய சூழலுக்கு மிகவும் அதிகமாக தேவைப்படுகிறது. இந்த கார் எதிர்காலத்திற்க்கு ஒரு சிறந்த தொடக்கமாக இருக்கும் என்பதில் எந்த ஒரு சந்தேகமும் இல்லை. நாம் Science Fiction படங்களில் பார்க்கும் காரை போலவே இந்த காரும் டிசைன் செய்யப்பட்டுள்ளதால் நிச்சயமாக இது மக்களை மிகவும் கவரும்.

 

January 25, 2023, 10:42 am

Leave a Reply

X